Ansor Sragen Siap Gebyar Harlah ke-91, 3.000 Banser Bakal Tumplek Blek nang GOR Diponegoro
- Ditulis oleh admin --
- Selesa, 29 April 2025 --
SRAGEN,
Kabarsukowati – Pimpinan
Cabang Gerakan Pemuda Ansor Kabupaten Sragen siap nggelar puncak
peringatan Hari Lahir (Harlah) ke-91 kanthi acara akbar nan meriah.
Kegiatan inaugurasi iki bakal digelar Sabtu, 10 Mei 2025 bertempat nang Gedung
Olahraga (GOR) Diponegoro Sragen, lan dijadwalke bakal dihadiri sak 3.000
kader Ansor-Banser se-Kabupaten Sragen.
Ketua Panitia,
Robby Isnan Abdillah,
nyampaikan yèn acara iki didadekke ajang konsolidasi kekuatan kader sekaligus
perayaan semangat perjuangan pemuda Nahdliyin nang jaman saiki.
"Insya Allah
acara puncak Harlah iki bakal meriah. Sakdurungé inaugurasi, kita wis nyiapke
rangkaian kegiatan, mulai saka donor darah, Apel Patriot Ketahanan Pangan,
nganti pagelaran budaya ketoprak ngampoeng," ujare Robby, Rabu
(29/4).
Pagelaran ketoprak
ngampoeng iki bakal dadi daya tarik utomo, mergo bakal nggandeng
seniman-seniman Balekambang Surakarta sing kondhang, lan kolaborasi karo Bakar
Production. Robby negeske yèn nilai seni lan budaya ora bisa dipisahke saka
ruh perjuangan GP Ansor.
"Ansor kuwi ora
mung jaga NKRI, tapi uga ngajeni warisan budaya leluhur. Makane, pagelaran
budaya iki dadi bentuk syukur lan ekspresi kultural saka kader-kader muda
Ansor," tambahé.
Kegiatan iki uga
diharap bisa ngobong semangat patriotisme lan gotong royong ning
kalangan pemuda, khususé kader Ansor-Banser, supaya tansah siap mbela bangsa
lan agama kanthi jalan damai lan berbudaya.
"Yen kabeh
lancar, iki bakal dadi momentum kebangkitan kader muda NU nang Sragen. Kita ora
mung kuat nang akidah, tapi uga nang pangabdian sosial lan kebangsaan,"
pungkas Robby. (Adm)
Komentar
pHqghUme
Selesa, 25 November 2025